TOShKENT, 1 dek — Sputnik. Rossiya iqtisodiy rivojlanish vaziri Maksim Reshetnikov O‘zbekiston bilan umumiy iqtisodiy makon yaratish zarurligini ta’kidladi. Bu haqda u bugun, 1-dekabr kuni Samarqandda boshlangan O‘zbekiston-Rossiya biznes forumida gapirdi, deb xabar bermoqda Sputnik muxbiri.
Vazir Rossiya va O‘zbekiston o‘rtasidagi hamkorlik yangi bosqichga ko‘tarilayotgan bir paytda “Yagona iqtisodiy makon yaratish, bojxona tartib-taomillarini yaqinlashtirish, savdodagi to‘siqlarni bartaraf etish, ma’muriy yuk va nazoratni kamaytirish bo‘yicha ishlarni kuchaytirish muhim ekanini ta’kidladi”.
“Biz transport-logistika yo‘nalishlarini rivojlantirishimiz kerak, O‘zbekiston – Markaziy Osiyo, bu yerdan Yevropa – G‘arbiy Xitoy transport koridoriga chiqish yo‘li bor, bu biz uchun muhim. Bu ustunlikdan foydalanish: infratuzilmani qurish va modernizatsiya qilish kerak”, - deydi u.
U, shuningdek, O‘zbekiston va Rossiya iqtisodiyoti uchun muhim loyihalarga, jumladan, joriy yilda boshlangan O‘zbekistonda yirik korxonalarni xususiylashtirish doirasida tezkor bog‘lanish imkoniyatiga ega bo‘lish uchun bir vaqtning o‘zida investitsiyalarning “harakatchanligi” uchun sharoit yaratishni taklif qildi.