TOShKENT, 29 noya — Sputnik. Donesk Xalq Respublikasi hududiy mudofaa shtab-kvartirasi Telegram kanalida ikki qishloq ozod qilingani haqida ma’lum qildi, deb yozmoqda RIA Novosti.
“2022 yil 29-noyabr holatiga ko‘ra, Donesk Xalq Respublikasi hududida DXR va LXR qo‘shinlari guruhi Rossiya Qurolli Kuchlarining ko‘magida Pershe Travnya va Andreyevkani ozod qildi”, - deyiladi xabarda.
Avvalroq respublika rahbari vazifasini bajaruvchi Denis Pushilin rus qo‘shinlari Ugledar yo‘nalishida muvaffaqiyatlarga erishayotganini ma’lum qilgandi. Uning so‘zlariga ko‘ra, tez orada Ugledarning ozod etilishini kutish mumkin. Bundan tashqari, Rossiya armiyasi Artemovskni tezkor qurshovga olishga yaqin va Marinkada janglar allaqachon shahar markazida davom etmoqda.
DXR xalq militsiyasining ma’lum qilishicha, o‘tgan kun davomida Ukraina Qurolli Kuchlari 60 dan ortiq shaxsiy tarkibi, o‘ziyurar artilleriya moslamasi, to‘rtta gaubitsa, ikkita tank va uchta dronni yo‘qotdi.
Rossiya 24-fevraldan buyon Ukrainada maxsus harbiy operatsiya olib bormoqda. Rossiya prezidenti Vladimir Putin uning asosiy vazifasini “Kiyev rejimi tomonidan sakkiz yil davomida tahqirlash, genotsidga uchragan odamlarni himoya qilish” deb atagan. Mamlakat Qurolli kuchlari oldida Donbassni ozod qilish va Rossiya xavfsizligini kafolatlash turibdi.