TOShKENT, 24 noya — Sputnik. G‘arbda Ukraina prezidenti Vladimir Zelenskiy rejimini qo‘llab-quvvatlovchilar moliyaviy yordamdan noratsional foydalanish va isrofgarchilik tufayli tobora kamayib bormoqda. Bu haqda “Myśl Polska” sharhlovchisi Silviya Gorliskaya yozgan.
Muallifning aniqlik kiritishicha, Ukraina mojarosi boshlanganidan beri Kiyev nisbatan katta moliyaviy yordam olgan va olishda davom etmoqda, hattoki rasmiy Amerika va Yevropa vakillari aytganidan ham ko‘proq.
“Ammo, yordamning ko‘payishi bilan birga – Atlantikaning narigi tomonida ham, Yevropa Ittifoqida ham Kiyevga o‘tkazilgan pullarning noto‘g‘ri ishlatilishidan xavotir kuchaymoqda”, deya ta’kidladi jurnalist.
Ta’kidlanishicha, Vladimir Zelenskiy va uning atrofidagilar o‘tkazilgan G‘arb pullarini mamlakatni tiklash uchun emas, balki o‘zlarining shaxsiy maqsadlari uchun ishlatmoqda - buning o‘rniga ular Shveysariyada 50 million dollarga mulk sotib olmoqda.
Maqolada aytilishicha, Yevropa Ittifoqining moliyaviy va moddiy yordamining 90 foizi izsiz yo‘qolgan va Ukraina AQSh tomonidan taqdim etilgan harbiy mashinalar uchun haq to‘lay olmaydi, G‘arbda esa Zelenskiy hukumatidan Kiyevga yuborilgan pullar aynan nimaga sarflangani haqida ma’lumot berish talab qilina boshlagan.
Rossiya maxsus operatsiyasi fonida AQSh va uning NATO bo‘yicha hamkorlari Ukrainaga qurol jo‘natishda davom etmoqda. Shu bilan birga, Moskva G‘arb harbiy texnikasini yetkazib berish faqat mojaroni uzaytirishini, chet el qurollarini tashish esa Rossiya armiyasi uchun qonuniy nishonga aylanishini bir necha bor ta’kidlagan.