TOShKENT, 23 noya — Sputnik. Rossiya maxsus operatsiyasi boshlanishidan oldin Germaniya hukumati Ukrainaning tezda mag‘lubiyatini iqtisodiy nuqtayi nazardan eng yaxshi variant deb hisoblagan. Bu haqda Buyuk Britaniya sobiq bosh vaziri Boris Jonson CNN telekanaliga bergan intervyusida aytib o‘tdi, deb xabar qildi RIA Novosti.
“Ma’lum bir vaqtda Germaniya, agar bu sodir bo‘lsa, bu falokat bo‘ladi. Lekin hammasi tezda tugasa va Ukraina taslim bo‘lsa yaxshi bo‘lardi degan pozitsiyada edi”, - deydi sobiq hukumat rahbari.
Jonsonning so‘zlariga ko‘ra, Berlin bu yondashuvni “turli-tuman salmoqli iqtisodiy sabablar” bilan oqlagan.
Jonsonning qo‘shimcha qilishicha, Fransiya hukumati so‘nggi lahzagacha Rossiya va Ukraina o‘rtasida qurolli to‘qnashuv boshlanishi ehtimolini rad etgan.
Rossiya 24-fevraldan buyon denatsifikatsiya va demilitarizatsiya maqsadida Ukrainada maxsus harbiy operatsiya olib bormoqda. Vladimir Putin uning asosiy vazifasi sifatida “Kiyev rejimi tomonidan sakkiz yil davomida xo‘rlashlar, genotsidlarga uchragan odamlarni himoya qilish” deb atagan. Qurolli Kuchlar oldida Donbassni ozod qilish va Rossiya xavfsizligini kafolatlash turibdi.
Vladimir Zelenskiy boshchiligidagi Kiyev rasmiylari Moskva bilan muzokaralarni taqiqlashni qonunchilikka kiritdi.
Moskva Ukraina pozitsiyasining nomuvofiqligini qayd etdi, biroq muloqotga ochiqligini va buning uchun hech qanday dastlab shart qo‘ymasligini ta’kidladi.