TOShKENT, 22 noya — Sputnik. O‘zbekiston Liberal-demokratik partiyasi Siyosiy Kengashi Ijroiya qo‘mitasi raisi Aktam Xaitov Ozarbayjon prezidenti Ilhom Aliyev bilan uchrashdi.
Muloqot chog‘ida “Yangi Ozarbayjon” partiyasi va O‘zbekiston Liberal-demokratik partiyasi o‘rtasidagi samarali hamkorlik va o‘zaro tashriflar muhimligi ta’kidlandi.
Aktam Xaitov o‘z so‘zida prezident Shavkat Mirziyoyevning “Yangi Ozarbayjon” partiyasining 30-yilligi munosabati bilan yo‘llagan tabrigini yetkazdi.
Prezident Ilhom Aliyev joriy yilda O‘zbekistonga uch marta tashrif buyurganini qayd etib, Shavkat Mirziyoyev bilan uchrashuvlarini mamnuniyat bilan esladi.