TOShKENT, 18 noya — Sputnik. Bir necha yil oldin dunyoda ochlik zonasi 60 million kishiga o‘sdi, pandemiya ochlik muammosini yanada kuchaytirdi va unga qarshi kurashishni qiyinlashtirdi. Bu haqda Birlashgan Millatlar Tashkilotining Oziq-ovqat va qishloq xo‘jaligi tashkiloti (FAO)ning Rossiya Federatsiyasi bilan aloqalar bo‘yicha direktori Oleg Kobakov ma’lum qildi.
Avvalroq u Rossiyaning Ukrainadagi maxsus operatsiyasidan ancha oldin dunyoda oziq-ovqat inqirozi boshlanganini aytgandi.
“Ushbu yillardagi umumiy tendensiya shundan iboratki, 2020-yilgacha, pandemiya boshlanishidan oldin ochlik zonasi har yili taxminan 10 million kishiga kengayb bordi va 2013-yildan 2019-yilga qadar u 60 million kishiga oshdi”, dedi Kobakov.
U ocharchilikka barham berish muammosini hal qilish uchun yaratilgan FAO muvaffaqiyatlarga erishganini esladi.
“1945 yilda dunyoda 2,3 milliardga yaqin odam bor edi va bu raqamdan insoniyat tarixida halokatli urush bo‘lganini hisobga olsak, surunkali ochlik zonasida bir milliardga yaqin odam bor edi. 2017-yilda dunyo aholisi 7,5 milliard kishini tashkil etdi va dunyodagi och odamlar soni 680 millionni tashkil etdi, ya’ni har to‘qqiz kishidan biri, har uchdan biri emas”, deb tushuntirdi Kobakov.
Shu bilan birga, u pandemiya “taraqqiyot uchun barcha salbiy omillarning ta’sirini kuchaytirganini” ta’kidladi.