TOShKENT, 18 noya - Sputnik. Turkmanistonda o‘zbek va turkman xalqlari do‘stligi festivali bo‘lib o‘tdi.
Bayram Turkmanistonning yetakchi madaniyat markazlaridan biri bo‘lgan Dashovuz shahrida bo‘lib o‘tdi.
O‘zbekiston prezidenti Shavkat Mirziyoyev tomonidan festival ishtirokchilariga tabrik yo‘llandi. Murojaatnomada u mazkur tadbir yaxshi qo‘shnichilik munosabatlarini mustahkamlashda muhimligini ta’kidladi.
Tadbir doirasida san’at ustalarining qo‘shma konserti, ijodiy uchrashuvlar, ikki mamlakat xalqlarining dekorativ-amaliy san’ati ko‘rgazmalari, sahna asarlari va filmlar namoyishi bo‘lib o‘tdi.
Avvalroq Turkmaniston prezidenti Serdar Berdimuhamedov bo‘lajak tadbir ikki davlat o‘rtasidagi munosabatlarni mustahkamlashiga ishonch bildirib, mas’ul shaxslarga festivalni yuqori saviyada tashkil etishni ta’minlashni topshirgan edi.