TOShKENT, 10 noya — Sputnik. “Don kelishuvi” doirasida mahsulotlarning Afrikaga emas, Yevropaga tashilishi ikkiyuzlamachilikdir, dedi Kongo tashqi ishlar vaziri Jan-Klod Gakosso RIA Novosti agentligiga bergan intervyusida.
“Biz Ukraina bug‘doyini tashiydigan kemalarning aksariyati, ular aytganidek, falokat yuz beradigan mamlakatlar portlariga emas, balki Yevropa portlariga yuborilganini bilib oldik... Bizning dunyomizda ikkiyuzlamachilik ko‘p”, - deydi vazir.
Biroq vazirning so‘zlariga ko‘ra, afrikaliklar ochlikdan o‘ladi, degan nutq tashviqot namunasidir. Gakosso “oziq-ovqat kelishuvini” olqishlab, Afrika muammolariga dramatik tus bermaslikka chaqirdi.
Joriy yilning 22-iyul kuni Istanbulda Rossiya mahsulotlarini eksport qilishdagi cheklovlarni bekor qilish va Ukraina donini jahon bozoriga chiqarida Rossiyaning yordamini ko‘zda tutuvchi ko‘p tomonlama bitimlar imzolandi. Shartnomalar Rossiya, Turkiya, Ukraina va BMT vakillari tomonidan imzolandi.
Rossiya prezidenti Vladimir Putin sentabr oyi boshida G‘arb Ukraina donining ko‘p qismini Afrikadagi muhtoj mamlakatlarga emas, balki o‘z davlatlariga olib ketayotganini ta’kidladi. Rossiyaning BMTdagi doimiy vakili Vasiliy Nebenzya “don bitimining” Rossiya oziq-ovqat va o‘g‘itlarini eksport qilish bo‘yicha qismi ishlamayotganini ta’kidladi.