TOShKENT, 9 noya — Sputnik. Rossiya hozirgi Federal kosmik dastur doirasida orbitaga olimlar xohlaganidek ikkita emas, balki "Bion-M" tirik organizmlari bo‘lgan bitta sun’iy yo‘ldoshni uchiradi. U kelajakda Rossiya orbital stansiyasi (ROS) joylashgan yuqori kenglik orbitasiga chiqariladi. Bu haqida RIA Novostiga biologiya fanlari doktori Vladimir Sichev ma’lum qildi.
Ilmiy dastur o‘zgarmaydi, lekin parvozdan keyingi hayvonlarni tadqiq qilish dasturida o‘zgarishlar bo‘ladi, chunki yangi orbitada biologik obyektlarga ta’sir etuvchi kosmik parvoz omillarining yangi to‘plami mavjud.
"Biz radiatsiya omilining biologik obyektlarga ta’sirini sezilarli darajada oshirish uchun biologik sun’iy yo‘ldoshni 800 kilometr balandlikda uchishni rejalashtirgan edik. Ammo hozir Rossiya orbital stansiyasi uchun mo‘ljallangan orbitaning ko‘rsatkichini amalga oshirishdek muhim vazifa turibdi. Bu qaror qabul qilindi”, deydi Sichev.
Uning aniqlik kiritishicha, avval rejalashtirilganidek, 75ta sichqon va drozofil pashshalari 2- sonli "Bion-M" orbitasiga chiqadi.
Qurilmaning koinotda bo‘lish muddati tajriba tashkilotchilari uni 800 kilometr balandlikdagi orbitaga tayyorlashda kutgan vaqt bilan bir xil – 30 kun.
Eslatib o‘tamiz, avvalroq “Bion-M” biologik sun’iy yo‘ldoshini 2024-yilda orbitaga chiqarish rejalashtirilgan edi. Sichqonlar “Bion-M” loyihalari doirasidagi asosiy tadqiqot obyekti hisoblanadi. Shuningdek, orbitaga chivinlar, o‘simliklar va mikroorganizmlarni yuborish ham rejalashtirililgan.