TOShKENT, 5 noya — Sputnik. Yevroosiyo taraqqiyot banki (YeTB) “Navoiy kon-metallurgiya kombinati” AJ (NKMK) investitsiya dasturini moliyalashtiradi. Bu haqda Sputnik muxbiriga YeTB matbuot xizmati xabar berdi.
Dasturning dastlabki indikativ shartlari shu kunlarda O‘zbekistonda bo‘lib o‘tayotgan II Iqtisodiy forum doirasida NKMK va bank vakillari tomonidan imzolandi.
NKMK investitsiya dasturining maqsadi ishlab chiqarish quvvati va ishlab chiqarish samaradorligini oshirish, istiqbolli konlarni o‘zlashtirish, ekologik va ishlab chiqarish xavfsizligini oshirishdan iborat.
"O‘zbekiston xalqaro investorlar uchun jozibador bozor. Bizning strategiyamiz YeTB a’zosi bo‘lmagan mamlakatlar loyihalariga sarmoya kiritish imkoniyatini o‘z ichiga oladi. Biz Barqaror rivojlanish maqsadlariga erishish maqsadlarini hisobga olgan holda bunday loyihalarni moliyalashtirishda katta tajriba to‘plaganmiz. Shunday ekan, bugun biz Navoiy kon-metallurgiya kombinati faoliyatini yanada rivojlantirishga o‘z hissamizni qo‘shish niyatimiz borligini mamnuniyat bilan e’lon qilamiz”, dedi YeTB boshqaruvi raisi o‘rinbosari Ruslan Dalenov.
NKMK viloyatdagi yirik sanoat korxonalaridan biri hisoblanadi. Zavodning asosiy faoliyati oltin qazib olish va ishlab chiqarishdir.