TOShKENT, 4 noya — Sputnik. Samarqandda sammit o‘tkazilishi sabab 10-11 noyabr kunlari ayrim ko‘chalarda transport vositalari harakati vaqti-vaqti bilan cheklanadi. Bu haqida Samarqand ichki ishlar boshqarmasi xabar berdi.
Qayd etilishicha, Turkiy davlatlar tashkilotining I-sammiti o‘tkazilishi munosabati bilan tadbir kunlari Samarqandning ayrim ko‘chalarida transport vositalarining harakati cheklanadi.
Harakat qatnovi cheklangan ko‘chalarda tez tibbiy yordam va favqulodda vaziyatlar bo‘linmalari transport vositalariga istisno tariqasida harakatlanish uchun ruxsat beriladi.
Eslatib o‘tamiz, avvalroq Samarqand aeroporti texnik sabablarga ko‘ra 8-noyabr soat 00:01 dan 12-noyabr 00:01 ga qadar parvozlar uchun yopilishi ma’lum qilingandi.
11 noyabr kuni Samarqandda Turkiy davlatlar tashkilotining sammiti bo‘lib o‘tadi. Tashkilotga a’zo mamlakatlar davlat va hukumat rahbarlarining uchrashuvi arafasida iqtisodiyot va tashqi ishlar vazirlarining uchrashuvlari bo‘lib o‘tadi.
Tashkilotga Ozarbayjon, Qozog‘iston, Qirg‘iziston, Turkiya va O‘zbekiston a’zo. Vengriya va Turkmaniston kuzatuvchi maqomiga ega.