“Xattotlikda har bir belgi va nuqtaning o‘z ma’nosi bor. Shuning uchun ham o‘quvchilar bitta xat turini urtacha 3 oyda o‘rganishadi. Arab tili darslari ikki bosqichda o‘qitiladi. Birinchi bosqichda yozish va o‘qish o‘rgatilsa, ikkinchi bosqich arab tili gramatikasi, tarjimasi, so‘zlashuv, eshitib tushinish amaliyotlarini qamrab oladi”, - deydi Azimjon Yakubov.
“O‘rta Osiyoda kitob bosish vujudga kelguniga qadar qo‘lozma kitob tayyorlash, ularning nusxalarini ko‘paytirish bilan xattotlar shug‘ullangan. Yillar davomida bu san’at rivojlanib, turli xattotlik maktablari yuzaga keldi. Masalan, Buxoro xattotlik maktabining Mirali Xiraviy, Mir Ubayd Buxoriy, Mir Husayn Ko‘lankiy Buxoriy kabi yirik vakillari bo‘lgan. Xorazm, Farg‘ona, Samarqand va Toshkent xattotlik maktablarida ham o‘z ishining ustasi sanalgan ko‘plab ziyolilar yetishib chiqqan”, - deydi u.