TOShKENT, 2 noya — Sputnik. Ukrainaga 60 dan ortiq davlatdan 8 mingdan ortiq yollanma askar kelgan, Kiyev rejimini bunday qo‘llab-quvvatlash G‘arb davlatlarining Ukrainada sodir bo‘layotgan voqealarga aralashuvini kuchaytirmoqda, deydi Rossiya TIV rasmiy vakili Mariya Zaxarova.
“Mavjud ma’lumotlarga ko‘ra, sakkiz oy ichida ular 60 dan ortiq davlatdan 8000 dan ortiq yollanma askarlarni yollagan. Eng ko‘p sonli guruhlar Polsha, AQSh, Kanada, Ruminiya va Britaniyadan kelgan. Harbiylarimiz xabar qilganidek, 3000 dan ortiq chet ellik jangchilar yo‘q qilindi va xuddi shunchasi uyiga qaytdi”, dedi Zaxarova.
“G‘arb davlatlarining bunday xatti-harakatlari, jumladan, qurol-yarog‘ va yollanma askarlarni ko‘p miqdorda yetkazib berish, natsist jangchilarni tayyorlash va Kiyev rejimini moliyalashtirish harbiy harakatlarni cho‘zishga olib keladi va ularning Ukrainada sodir bo‘layotgan voqealarga aralashish darajasini oshiradi, ularning mojaro ishtirokchisi maqomini mustahkamlaydi”, deb ta’kidladi diplomat.
Eslatib o‘tamiz, Rossiya 24-fevraldan buyon denatsifikatsiya va demilitarizatsiya maqsadida Ukrainada maxsus harbiy operatsiya olib bormoqda. Vladimir Putin uning asosiy vazifasini “Kiyev rejimi tomonidan sakkiz yil davomida xo‘rlashlar, genotsidlarga uchragan odamlarni himoya qilish” deb atagan. Qurolli Kuchlar oldida Donbassni ozod qilish va Rossiya xavfsizligini kafolatlash turibdi.