TOShKENT, 30 okt — Sputnik. Janubiy Koreya poytaxti Seul shahrida ro‘y bergan fojiada yana bir o‘zbekistonlik jabrlangan. Bu haqda TIV O‘zbekistonning Janubiy Koreyadagi elchixonasi ma’lumotlariga tayanib xabar berdi.
2022 yil 30-oktabr soat 12:00 holatiga ko‘ra, Itxevon tumanidagi ko‘chada yuz bergan voqea yana bir o‘zbekistonlik jarohat bilan shifoxonaga yotqizilgani ma’lum bo‘lgan. O‘zbekiston fuqarosi joylashgan tibbiyot muassasasi bilan doimiy aloqada o‘rnatilgan. Uning ahvoli qoniqarli deb baholanmoqda.
Avvalroq elchixona Seuldagi tiqilinchda bir nafar O‘zbekiston fuqarosi vafot etganini xabar qilgan edi. Ta’kidlanishicha, vaziyat nazoratga olingan. Marhumning jasadini vatanga olib kelish bilan bog‘liq konsullik-huquqiy va tashkiliy masalalar hal qilinmoqda.
Eslatib o‘tamiz, shanba kuni Janubiy Koreya poytaxti Seul shahri markazida Xellouin bayramini nishonlash vaqtida tiqilinch holati yuz berdi. Buning oqibatida halok bo‘lganlar 150 kishidan oshgan. Mamlakatda milliy motam e’lon qilingan.