TOShKENT, 24 okt — Sputnik. Qirg‘izistonda 23-oktabr kuni Toshkent vaqti bilan 20:24 da sodir bo‘lgan zilzila kuchi O‘zbekistonda ham sezildi. Bu haqida Seysmoprognostik monitoring Respublika markazi xabar berdi.
Toshkentdan 342 kilometr janubiy-sharqda kuzatilgan zilzila o‘chog‘i 15 kilometr chuqurlikda, magnitudasi 3,3 ballni tashkil etgan.
Andijonda sezilish kuchi:
Xonobod shahrida 3 ball;
Qo‘rg‘ontepa tumanida 2-3 ball.
Eslatib o‘tamiz, Andijonda 19-oktabr kuni ham 2 ballga teng zilzila qayd etilgandi.