TOShKENT, 20 okt - Sputnik. Shu kunlarda Toshkentda InnoWeek-2022 - innovatsiyalar ko‘rgazmasi bo‘lib o‘tmoqda. Sputnik muxbiri u yerda bo‘lib eng qiziq ishlanmalar bilan tanishdi.
Qariyalarga qarovchi it
O‘zbekistonlik mutaxassislar ushbu robot itni yolg‘iz yashovchi qarilarga qarash va favqulodda vaziyatlarda odam bora olmaydigan joylarga borishga o‘tgatishmoqda.
"Biz ayni paytda robot itni turli qiyaliklardan yurishga o‘rgatmoqdamiz", - deydi mutaxassis.
Uchuvchisiz uchish apparati
Vertikal uchish va qo‘nish samolyoti va kvadrokopter. Asosan razvedka, qishloq xo‘jaligini monitoring qilish va yong‘inlar, tabiiy ofatlar joyini aniqlash uchun mo‘ljallangan.
Alyuminiydan qimmatbaho toshlar
O‘zbekiston fanlar akademiyasi ishlanmasi bo‘lib u alyuminiy va ishqorlar yordamida quyosh pechida qizdirilganda 34 turdagi qimmatbaho toshlar yaratish imkonini beradi.
"Bizning institut 1981-yilda Sobiq Ittifoq davrida qurilgan. U yerda katta quyosh pechi, kichik quyosh pechi bor. Biz hozirga qadar Rossiya texnologiyalaridan foydalanib kelamiz. Quyosh pechi dunyoda ikkita - biri Fransiyada bo‘lsa biri - bizda. Bizning quyosh pechimiz 4000 gradus harorat beradi", - deydi yosh olim Dovudbek O‘tkirov.
Batafsil videolavhamizda tomosha qiling.