TOShKENT, 19 okt - Sputnik. Rossiya qo‘shinlari Xerson viloyatida hujumga urinish chog‘ida Ukraina Qurolli kuchlarining barcha hujumlarini qaytardi, mudofaa chizig‘i ushlab turildi. Bu haqda viloyat ma’muriyati rahbari o‘rinbosari Kirill Stremousov ma’lum qildi.
“Hozirgi bosqichda barcha hujumlar qaytarildi va biz mudofaa chizig‘ini ushlab turishda davom etamiz”, dedi u Telegram sahifasida e’lon qilingan videomurojaatida.
Uning so‘zlariga ko‘ra, Ukraina qo‘shinlari 128-tog‘ hujumi va 17-brigadaning tank batalonining ikki batalonlari yordamida Novaya Kamenka-Berislav yo‘nalishida oldinga siljishga harakat qilgan.
24 fevraldan beri Rossiya Ukrainani denatsifikatsiya va demilitarizatsiya qilish bo‘yicha harbiy maxsus operatsiya o‘tkazmoqda. Rossiya prezidenti Vladimir Putin uning vazifasini “sakkiz yil davomida Kiyev rejimi tomonidan tahqirlangan va genotsidga uchragan odamlarni himoya qilish” deb atagan.
Rossiya prezidentining so‘zlariga ko‘ra, yakuniy maqsad Donbassni ozod qilish va Rossiyaning o‘zi xavfsizligini kafolatlaydigan shart-sharoitlarni yaratishdir.