TOShKENT, 16 okt — Sputnik. Shimoliy Atlantika alyansi (NATO) Ukraina mojarosiga de-fakto kirib keldi, ammo bu Rossiyaning maqsadlariga ta’sir qilmaydi, dedi Rossiya prezidentining matbuot kotibi Dmitriy Peskov. Bu haqda RIA Novosti xabar berdi.
“NATO de-fakto allaqachon Ukraina mojarosiga qo‘shilgan. Lekin bu bizning barcha maqsad va rejalarimizga hech qanday ta’sir ko‘rsatmaydi, ya’ni operatsiya davom etmoqda va u yakuniga yetadi”, - degan Peskov jurnalistning tegishli savoliga javob berar ekan.
Kreml matbuot kotibi bu Rossiya uchun qanchalik mashaqqatliligi haqida so‘ralganda, bu "sezilarli darajada qiyinroq" ekanini aytdi.
“Bu, ehtimol, bizning ichki iqtisodiy va boshqa safarbarlikni talab qiladi. Kiyev rejimi boshqa narsa, NATOning salohiyati esa boshqa. Bu qo‘shimcha yuk. Lekin bizning salohiyatimiz bizga shunday sharoitlarda operatsiyani davom ettirish imkonini beradi", - deya qo‘shimcha qildi Peskov.
Sentabr oxirida Rossiya yetakchisi Vladimir Putin maxsus harbiy operatsiyaning asosiy maqsadlari o‘zgarishsiz qolayotganini aytdi — birinchi navbatda, bu Donesk va Lugansk Xalq Respublikalarini ozod qilishdir. Putinning ta’kidlashicha, LXR to‘liq, DXR esa qisman ozod qilingan.