Og‘ir atletika: Sharofiddin Amriddinov Olimpiada chempionidan oltin medalni tortib oldi

TOShKENT, 16 okt - Sputnik. Bahraynda o‘tayotgan og‘ir atletika bo‘yicha Osiyo chempionatida O‘zbekiston terma jamoasi a’zosi Sharofiddin Amriddinov 1 ta oltin va 2 ta kumush medallarni qo‘lga kiritdi. Bu haqda Milliy olimpiya qo‘mitasi matbuot xizmati xabar berdi.

Qayd etilishicha, Amriddinov dast ko‘tarish mashqida 172 kg bilan Tokio-2020 Olimpiadasi chempioni qatarlik Elbah Faresni ham ortda qoldirib, oltin medal sohibiga aylangan.

Siltab ko‘rarishda 196, ikki kurashda esa 368 kg qayd etgan samarqandlik polvon terma jamoasi hisobiga yana 2 kumush medalni keltirgan.

Avvalroq, og‘ir atletika bo‘yicha O‘zbekiston terma jamoasi a’zosi Tursunoy Jabborova Bahraynda bo‘lib o‘tayotgan Osiyo chempionatida ikkita medalni qo‘lga kiritgani haqida xabar bergan edik.