TOShKENT, 14 okt — Sputnik. Bugun Ostonada Mustaqil davlatlar hamdo‘stligi (MDH) Davlat rahbarlari kengashining sammiti va “Rossiya – Markaziy Osiyo” formatidagi uchrashuv o‘tkaziladi.
Yig‘ilishda O‘zbekiston, Rossiya, Ozarbayjon, Armaniston, Belarus, Qirg‘iziston, Turkmaniston, Tojikiston prezidentlari ishtirok etadi.
Sammitda prezidentlar MDHda 2023-yil "Rus tili - millatlararo muloqot tili" yili sifatida o‘tkazish bo‘yicha Tadbirlar dasturi loyihasini ma’qullashi kutilmoqda.
Shuningdek, 2023-2024 yillarga mo‘ljallangan gumanitar hamkorlik sohasidagi ustuvor harakatlar rejasi loyihasini ko‘rib chiqish ham kun tartibiga kiritilgan.
Bugun kunning ikkinchi yarmida Ostonada Rossiya-Markaziy Osiyo birinchi sammiti bo‘lib o‘tadi, uning yakunida qo‘shma bayonot qabul qilinadi.
Tadbirda O‘zbekiston, Qozog‘iston, Rossiya, Qirg‘iziston, Tojikiston, Turkmaniston va rahbarlari ishtirok etadi.
Sammit davomida mamlakatlar o‘rtasidagi o‘zaro hamkorlikni kuchaytirish, mavjud geosiyosiy vaziyatda, jumladan, oziq-ovqat, xomashyo va logistika narxlari oshib borayotgan sharoitda umumiy savdo-iqtisodiy va boshqa manfaatlarni himoya qilish masalalari muhokama qilinadi.
Afg‘onistondagi vaziyat kontekstida mintaqaviy xavfsizlik bo‘yicha ham fikr almashilishi kutilmoqda.