Shifokor -parhezshunos, tibbiyot fanlari doktori, professor Aleksey Kovalkov ozish uchun iste’mol qilinadigan tabletkalarning salomatlik uchun salbiy ta’sirlari haqida so‘zlab bergan.
Uning aytishicha, aslida bunday tabletkalarning yog‘ to‘qimalariga hech qanday bog‘liqligi yo‘q. Shuningdek ichaklar va siydik pufagiga ham ushbu tabletkalar hech qanday ta’sir ko‘rsatmaydi. Balki, buyrak va jigar salomatligiga jiddiy xavf tug‘diradi.
“Ko‘pchilik surunkali buyrak yetishmovchiligiga chalinadi, va hatto buni bilmasligi ham mumkin. Buni faqat tibbiy tahlillar orqali aniqlash mumkin. Shunda odamlar tibbiy savodxonlik yetishmasligi tufayli buyraklarni siydik haydovchi vositalar - tabletkalar bilan “tuzatmoqchi” bo‘lishadi. Bu sababli hatto vafot etish mumkin. Jigar ham xuddi shunday. Jigar yog‘li gepatozi ayrim insonlarda sirroz kasalligiga aylanishi mumkin”, - deydi mutaxassis.