TOShKENT, 12 okt - Sputnik. Mustaqil Davlatlar Hamdo‘stligiga (MDH) a’zo mamlakatlar harbiy idoralari 2023-yilda Qurolli kuchlarning qo‘shma faoliyati jadalligini oshirishni rejalashtirmoqda. Bu haqda Rossiya Mudofaa vazirligi MDH Qurolli kuchlari shtab boshliqlari qo‘mitasi yig‘ilishi yakunlari bo‘yicha ma’lum qildi.
Bu Shtablar boshliqlari qo‘mitasi tomonidan kelgusi yil uchun tasdiqlangan ko‘p tomonlama harbiy hamkorlik bo‘yicha harakatlar rejasidan kelib chiqadi.
“Unga muvofiq, 2023-yilda mudofaa vazirliklari o‘rtasidagi hamkorlikning asosiy yo‘nalishlari bo‘yicha hamkorlikni yanada chuqurlashtirish, Qurolli Kuchlar qo‘shma faoliyatining intensivligini oshirish, terrorizm va boshqa qo‘shma chaqiruvlarga qarshi kurashish bo‘yicha sa’y-harakatlarni ta’minlash rejalashtirilgan”, deyiladi xabarda.
Bugun Bokuda MDH davlatlari Qurolli kuchlari shtab boshliqlari qo‘mitasining yig‘ilishi bo‘lib o‘tdi. Unda Ozarbayjon, Belarus, Qozog‘iston, Qirg‘iziston, Tojikiston, O‘zbekiston harbiy delegatsiyalari hamda MDH Mudofaa vazirlari kengashi kotibiyati ishtirok etdi.
Rossiya Mudofaa vazirligi delegatsiyasiga RF Qurolli kuchlari Bosh shtabi boshlig‘ining o‘rinbosari, general-polkovnik Sergey Istrakov boshchilik qildi.