TOShKENT, 6 okt – Sputnik. Rossiya prezidenti Vladimir Putin safarbarlik bo‘yicha harbiy xizmatni o‘tashni kechiktirish shartlariga o‘zgartirishlar kiritish to‘g‘risidagi farmonni imzoladi. Hujjat mamlakatning huquqiy axborot portalida e’lon qilindi.
Farmonga ko‘ra, quyidagi fuqarolar uchun safarbarlik kechiktirilishi mumkin:
aspirantlar va rezidentlar;
innovatsion ilmiy-texnologik markazlarda o‘rta kasb-hunar va oliy ma’lumot olayotgan fuqarolar;
ma’naviy-ma’rifiy tashkilotlardagi talabalar.
Farmon imzolangan kundan boshlab — 5-oktabrdan kuchga kirdi va 2022-yil 21-sentabrda, qisman safarbarlik to‘g‘risidagi prezident farmoni e’lon qilingan paytdan boshlab vujudga kelgan huquqiy munosabatlarga taalluqlidir.
Eslatib o‘tamiz, 21-sentabr kuni Vladimir Putin farmon bilan Rossiyada qisman safarbarlik e’lon qildi. Uning so‘zlariga ko‘ra, harbiy xizmatni o‘tash tajribasiga ega, qo‘shinlar orasida talab yuqori bo‘lgan harbiy ro‘yxatga olish mutaxassisliklariga ega zahiradagi harbiylar chaqiriladi. O‘z navbatida, Shoyguning ta’kidlashicha, 300 ming kishini chaqirish rejalashtirilgan.
Avvalroq, Rossiya prezidenti ta’limning kunduzgi va sirtqi bo‘limlarida o‘qiyotgan talabalarni safarbarlikka chaqirishni kechiktirish to‘g‘risidagi farmonni imzolagan edi. Hujjatga ko‘ra, o‘rta maxsus yoki oliy ma’lumotni davlat ta’lim va ilmiy tashkilotlarida birinchi marta olayotgan shaxslarga kechiktirish beriladi. Kechikish faqat birinchi marta oliy ma’lumot oladiganlar uchun amal qiladi.
Ma’lumot o‘rnida, harbiy ro‘yxatga olish va ro‘yxatga olish bo‘limlariga, birinchi navbatda, harbiy harakatlarda qatnashish tajribasiga ega, xizmat qilgan va harbiy mutaxassislikka ega bo‘lganlar chaqiriladi. Kechikish mudofaa komplekslari xodimlari, aloqa va media operatorlari, shuningdek, IT-mutaxassislariga ham beriladi.