TOShKENT, 4 okt — Sputnik. Budapesht shahrida O‘zbekiston prezidentini rasmiy kutib olish marosimi bo‘lib o‘tdi.
Qayd etilishicha, 4-oktabr kuni Vengriya Parlamentining binosi ro‘parasidagi Layosh Koshut nomidagi maydonda rasmiy tashrif bilan ushbu mamlakatda bo‘lib turgan Shavkat Mirziyoyevni rasmiy kutib olish marosimi bo‘ldi.
Maydonda oliy martabali mehmon sharafiga piyoda va otliq askarlardan iborat faxriy qorovul saf tortdi. Harbiy orkestr ikki mamlakat davlat madhiyalarini ijro etdi.
Prezident Shavkat Mirziyoyev va Vengriya prezidenti Katalin Novak rasmiy delegatsiyalar a’zolarini qutlashdi.
Marosim yakunida faxriy qorovul tantanali ravishda saf tortib o‘tdi.