TOShKENT, 3 okt — Sputnik. Buyuk Britaniya energetika regulyatori Ofgem mamlakat energiya inqirozi sharoitida gaz tanqisligiga duch kelishi mumkinligini ma’lum qildi. Bu haqda “Times” yozmoqda.
Ta’kidlanishicha, Buyuk Britaniya “gaz ta’minoti bo‘yicha favqulodda holat” e’lon qilishi mumkin, bunda ba’zi gaz bilan ishlaydigan elektr stansiyalariga yetkazib berish to‘xtatilishi va ular elektr energiyasini ishlab chiqara olmasligi mumkin.
Shu munosabat bilan Ofgem bir qator gaz bilan ishlaydigan elektr stansiyalari bankrot bo‘lishi mumkinligini ta’kidlaydi.
Qayd etilishicha, bu e’lon rejalashtirilgan elektr ta’minotidagi uzilishlar qo‘rquvini kuchaytirishi mumkin. Regulyatorning taxminiga ko‘ra, kelayotgan qish avvalgisidan ko‘ra “qiyinroq” bo‘ladi.
G‘arb Ukraina tufayli Rossiyaga nisbatan sanksiyalar bosimini kuchaytirdi, bu esa Yevropa va Qo‘shma Shtatlarda elektr energiyasi, yoqilg‘i va oziq-ovqat narxlarining oshishiga olib keldi. Rossiya prezidenti Vladimir Putin Rossiyani jilovlash va zaiflashtirish siyosati G‘arbning uzoq muddatli strategiyasi ekanligini va sanksiyalar butun jahon iqtisodiyotiga jiddiy zarba berganini aytgan edi. Uning so‘zlariga ko‘ra, G‘arbning asosiy maqsadi millionlab odamlar hayotini yomonlashtirishdir. Rossiya Federatsiyasi G‘arb o‘zi uchun yaratayotgan barcha muammolarni Rossiya hal qilishini bir necha bor ta’kidlagan.