TOShKENT, 2 okt — Sputnik. Rossiya Konstitutsiyaviy sudi Donesk va Lugansk xalq respublikalari, Zaporojye va Xerson viloyatlarini Rossiya tarkibiga qabul qilish to‘g‘risidagi shartnomalarni Konstitutsiyaga muvofiq deb tan oldi. Tegishli to‘rtta qaror Rossiya Konstitutsiyaviy sudi saytida e’lon qilingan.
“Rossiya Federatsiyasi va Donensk Xalq Respublikasi o‘rtasidagi Rossiya Federatsiyasi tarkibiga Donesk Xalq Respublikasini qabul qilish va Rossiya Federatsiyasi tarkibida yangi subyekt tashkil etish to‘g‘risidagi kuchga kirmagan shartnomani Rossiya Federatsiyasi Konstitutsiyasiga muvofiq deb tan olinsin”, - deyiladi DXRga oid qarorda.
LXR, Xerson va Zaporojye viloyatlariga nistatan ham xuddi shunday qarorlar qabul qilingan.
23-27 sentabr kunlari Ukrainaning ozod qilingan hududlarining Rossiya Federatsiyasi tarkibiga kirishi bo‘yicha referendumlar bo‘lib o‘tdi. Referendum natijalariga ko‘ra DXRda - 99,23%, LXRda - 98,42 %, Xerson viloyatida - 87,05 % va Zaporojye viloyatida - 93,11% aholi Rossiyaga qo‘shilishni yoqlab ovoz bergan.
30 sentabr kuni Rossiya prezidenti Vladimir Putin va DXR, LXR, Xerson va Zaporojye rahbarlari Rossiya tarkibiga yangi hududlarni qabul qilish to‘g‘risidagi shartnomalarni imzolashdi.
Keyin bu hujjatlar ularning konstitutsiyaviyligini tekshirish uchun Konstitutsiyaviy sudga yo‘naltirildi.
Endi bu shartnomalarni Rossiya Davlat dumasi ratifikatsiya qilishi va Federatsiya kengashi ko‘rib chiqishi shart. Shu bilan birga Davlat dumasiga Rossiya tarkibiga yangi subyektlarni qabul qilish to‘g‘risidagi federal konstitutsiyavyi qonun loyihasi kiritiladi.