TOShKENT, 1 okt - Sputnik. Ukraina qo‘shinlarining Lugansk xalq respublikasidagi nishonga olishda yordam beruvchisi qo‘lga olindi, u 20-yillik qamoq jazosiga hukm qilinishi mumkin. Bu haqda RIA Novosti agentligiga kuch tuzilmalaridagi manba ma’lum qildi.
“LXR xavfsizlik kuchlari Novoaydar tumanida tug‘ilgan, avval Schastinskoy ma’muriyati xodimi bo‘lgan Anastasiya Boyevani ma’lumotlarni uzatgani va Novoaydardagi fuqarolik obyektlariga o‘t ochgani uchun hibsga oldi”, deyiladi xabarda.
Manbaga ko‘ra, Boyeva Aleksey Bayov bilan tandemda ishlagan. Ukraina qo‘shinlari 21-sentabr kuni Novoaydarga HIMARS tizimlaridan o‘q uzgan. Otishma natijasida bir fuqaro halok bo‘lgan, yana biri yaralangan. Novoaydar agrar kollejining turar-joy binosi, o‘quv binosi va yotoqxonasi vayron bo‘lgan. Don ombori, o‘g‘itlar va qishloq xo‘jaligi texnikasi ombori, sakkizta qishloq xo‘jaligi texnikasi, ikkita yengil va bitta yuk mashinasi o‘qqa tutilib, vayron bo‘lgan. To‘rtta uy zarar ko‘rgan.
Boyeva va Bayov birgalikda Kiyev harbiylari va maxsus xizmatlariga ma’lumotlarni uzatgan, artilleriya ishining natijasini videoga yozib olgan. Bundan tashqari, Boyeva Ukraina maxsus xizmatlariga xabar berish uchun sobiq hamkasbiga aholi punkti ma’muriyati xodimlari haqida ma’lumot bergan.
“Xorijiy maxsus xizmatlar bilan hamkorlik qilish va Ukraina artilleriyasidan fuqarolik obyektlarini nishonga olganlik uchun LXR Jinoyat kodeksiga muvofiq Boyeva 20-yilgacha ozodlikdan mahrum qilish bilan jazolanishi mumkin”, deya qo‘shimcha qiladi manba.