TOShKENT, 1 okt - Sputnik. Yuz nafar eng yaxshi informatika shiituvchilariga 5,4 mln. so‘mdan pul mukofoti berildi, deb xabar qilmoqda XTV.
Joriy yilda “Bir million dasturchi” loyihasi doirasida o‘quv kurslarini muvaffaqiyatli yakunlagan umumta’lim maktablarining 100 nafar eng yaxshi “Informatika va axborot texnologiyalari” fani o‘qituvchilari 5 400 000 co‘m miqdorida pul mukofotini qo‘lga kiritdi, deyiladi xabarda.
Mukofotlar Xalq ta’limi vazirligi hamda Axborot texnologiyalari va kommunikatsiyalarini rivojlantirish vazirligining qo‘shma qaroriga muvofiq taqdim etilgan.
Ma’lumot uchun, “Bir million dasturchi” loyihasi doirasida o‘quv kurslarini muvaffaqiyatli yakunlagan umumta’lim maktablarining 100 nafar eng yaxshi “Informatika va axborot texnologiyalari” fani o‘qituvchilari bazaviy hisoblash miqdorining 20 baravari miqdorida bir martalik mukofot puli bilan taqdirlash an’anasi bir necha yildan buyon davom etib kelmoqda.