Yakkakurashlar bo‘yicha Yevroosiyo kubogida O‘zbekiston 34 ta medalni qo‘lga kiritdi

TOShKENT, 27 sen — Sputnik. Taekvondo ITF bo‘yicha “YevroOsiyo kubogi-2022” xalqaro turnirida o‘zbekistonlik yosh sportchilar 34 ta medalni qo‘lga kiritishdi. Bu haqida Sportni rivojlantirish vazirligi xabar berdi.

Aytilishicha, Rossiyaning Yekaterinburg shahrida 23-26 sentabr kunlari “YevroOsiyo kubogi-2022” xalqaro turniri o‘tkazildi.

Musobaqaning ikki yo‘nalishda 22 nafar sportchi O‘zbekiston sharafini himoya qildi.

Musobaqa yakuniga ko‘ra, sportchilar 10 ta oltin, 10 ta kumush hamda 14 ta bronza medalini qo‘lga kiritib, umumjamoa hisobida faxrli 2-o‘rinni egallashdi.