TOShKENT, 27 sen — Sputnik. Referendum natijalari e’lon qilingandan keyin Xerson viloyatida mustaqil davlat tashkil etilishi haqida maxsus e’lon berilmaydi. Bu haqda Xerson viloyati ma’muriyati rahbari Vladimir Saldo ma’lum qildi.
“Fuqarolar bizni Rossiya Federatsiyasining bir qismi bo‘lishimizni istaydi. Rossiya Federatsiyasi esa mustaqil davlat, shuning uchun ma’lum vaqt davomida bu texnologik bo‘lishi mumkin, shunchaki e’lon qilinmaydi. Hech qanday maxsus e’lon bo‘lmaydi”, dedi Saldo.
Eslatib o‘tamiz, 23-sentabr kuni Donesk va Lugansk xalq respublikalari, shuningdek, Xerson va Zaporojye viloyatlarida Rossiya tarkibiga qo‘shilish bo‘yicha referendum boshlandi. Ovoz berish besh kun, 27-sentabrgacha davom etadi.
19 sentabr kuni DXR va LXR Jamoat palatalari respublikalar rahbarlari Denis Pushilin va Leonid Pasechnikka Rossiya tarkibiga qo‘shilish bo‘yicha zudlik bilan referendum o‘tkazish tashabbusi bilan murojaat qildi. Ertasi kuni DXR va LXR rasmiylari referendum 23-27 sentabr kunlari bo‘lib o‘tishini e’lon qildi. Shuningdek, 20-sentabr kuni Xerson va Zaporojye viloyatlari ma’muriyati referendumlarni xuddi shu sanalarda o‘tkazish rejasini e’lon qildi. Rossiya prezidenti Vladimir Putin Rossiya referendum qarorlarini qo‘llab-quvvatlashini aytdi. Respublikalar va viloyatlar vakillarining fikricha, Rossiyaga qo‘shilish ularning hududlari xavfsizligini ta’minlaydi va tarixiy adolatni tiklaydi.