TOShKENT, 27 sen — Sputnik. Toshkent shahriga uchib kelgan yo‘lovchilar uchun yangilangan CIP-zal ishga tushdi. Bu haqda “Uzbekistan Airports” xabar qildi.
U Toshkent xalqaro aeroporti uchib ketish terminali birinchi qavatida. Yo‘lovchilar samolyotdan CIP-zalga maxsus qulay avtobuslarda olib kelinadi.
CIP-zal yo‘lovchilari uchun alohida pasport nazorati kabinalari, yuklarni tezlashtirilgan tartibda yetkazib berish, bepul Wi-Fi, 75 o‘rinli yumshoq kreslolar, turli xil ichimliklar mavjud. CIP-zaldan o‘tish narxi 350 000 so‘mni tashkil qiladi.