TOShKENT, 22 sen — Sputnik. Ukrainada asirlikda bo‘lgan 55 nafar harbiy xizmatchi Rossiyaga qaytdi. Bu haqda Rossiya Mudofaa vazirligi ma’lum qildi.
“Almashtirish bo‘yicha murakkab muzokaralar jarayoni natijasida bugun tunda Kiyev rejimi nazorati ostidagi Ukraina hududidan asirlikda o‘lim xavfi ostida qolgan Rossiya Federatsiyasi, Donesk va Lugansk respublikalari Qurolli kuchlarining 55 nafar harbiy xizmatchisi qaytarildi”, deyiladi xabarda.
Ozod qilinganlarning barchasi samolyotda Rossiyaga olib ketilgan. Hozir ular Mudofaa vazirligining idoraviy shifoxonalarida bo‘lib, ularga tibbiy-psixologik yordam ko‘rsatilmoqda.
Harbiy xizmatchilar allaqachon qarindoshlari bilan bog‘lanishga muvaffaq bo‘lgan.
24 fevraldan beri Rossiya Ukrainani denatsifikatsiya va demilitarizatsiya qilish bo‘yicha harbiy maxsus operatsiya o‘tkazmoqda. Rossiya prezidenti Vladimir Putin uning vazifasi “sakkiz yil davomida Kiyev rejimi tomonidan tahqirlangan va genotsidga uchragan odamlarni himoya qilish” deb atagan.
Rossiya prezidentining so‘zlariga ko‘ra, yakuniy maqsad Donbassni ozod qilish va Rossiyaning o‘zi xavfsizligini kafolatlaydigan shart-sharoitlarni yaratishdir.