TOShKENT, 15 sen – Sputnik. Toshkentda bo‘lib o‘tayotgan kinofestival doirasida rossiyalik taniqli rejisser Timur Bikmambetov “Xo‘ja Nasriddin” animatsion filmi haqida aytib berdi. Sputnik muxbiri xabariga asosan.
“Bu animatsion film oilaviy auditoriyaga mo‘ljallangan bo‘ladi. Loyihada O‘zbekiston, Rossiya, Ozarbayjon, Turkiya, Qozog‘istondan 20 ga yaqin professional animatorlar va mutaxassislar ishlamoqda. “Xo‘ja Nasriddin” asari kinomuxlislar uchun haqiqiy tuhfa bo‘lishiga ishonaman. O‘zbekiston va Rossiya o‘rtasidagi madaniy aloqalar yanada mustahkamlanadi”, - dedi Bikmambetov.
Undan tashqari O‘zbekiston Kinematografiya agentligi hamda “Ozarbayjonfilm” bilan hamkorlikda “Mulla Nasriddin” qo‘shma loyihasi yaratilmoqda. Film ssenariy muallifi Vagif Mustafayev, rejissor Nazim Guseynov loyiha taqdimotini o‘tkazishdi.
Na Tashkentskom kinofestivale proshla prezentatsiya ko-produksionnix filmov
© Sputnik
“Mazkur film ikki davlat o‘rtasidagi o‘ziga xos film bo‘ladi. Biz taniqli o‘zbek aktorlarini ham saralab olmoqdamiz. Kinokartinaga taniqli operator Ulug‘bek Hamrayevni taklif qildik. Suratga olish lokatsiyasi asosan Buxoro viloyatida bo‘lib o‘tadi”, - dedi film ssenariy muallifi Vagif Mustafayev.
Na Tashkentskom kinofestivale proshla prezentatsiya ko-produksionnix filmov
© Sputnik
“Hamkorlikda filmlar ishlash oson emas ekan. Gohida lokatsiyalar, gohida moliyaviy muammolar kelib chiqaveradi. Lekin barcha qiyinchiliklarni yengmoqdamiz. Bugungi tadbirda 30 ga yaqin koproduksiya filmlarning taqdimotlari o‘tkaziladi. Kinematografiya agentligi rahbariyati mazkur taqdimotlarni aynan kinofestival doirasida o‘tayotganidan mamnun”, dedi “O‘zbekfilm” kinokonserni direktori Bahodir Adilov.
Ma’lumot uchun, Bugun Toshkent xalqaro kinofestivalida Kinematografiya agentligi bilan hamkorlikda ishlayotgan davlatlarning kino taqdimotlari bo‘lib o‘tdi. Tadbirda Rossiya, Tojikiston, Hindiston, Isroil, Qozog‘iston, Belarus va boshqa mamlakatlar bilan ishlanayotgan xalqaro loyihalarning taqdimotlari o‘tkazildi.
Na Tashkentskom kinofestivale proshla prezentatsiya ko-produksionnix filmov
© Sputnik