Ukraina tajovuzi qurbonlarini izlash idoralararo ishchi guruhi jamoasi boshlig‘i o‘rinbosari Yuliya Kojevnikovaning ma’lum qilishicha, birgina Rubejnoyedagi (LXR) ommaviy qabristonlarda 500 ga yaqin kishi ko‘milgan. Sentabr boshida dala qo‘mondoni 238 kishining qoldiqlarini chiqarib olgan.
LXR jangchilari bilan evakuatsiyadan qaytgan mahalliy bir ayol otasining jasadini qanday qilib topganini so‘zlab berdi.
“Hozir anketa to‘ldirapmiz. Otam jasadini olib ketamiz va qayta dafn etamiz. Otam vafot etgan paytda biz o‘q yomg‘iri ostida qochayotgandik, uni sanitar-o‘tkazish punktiga olib bordik, keyin harbiylar uni bu yerga ko‘mishgan. Uni imzoga qarab topdik”, - deydi Viktoriya Olefirenko.
Ayolning aniqlik kiritishicha, otasi kasalxonada koronavirusdan davolangan. Faol janglar boshlangan paytda hamma bemorlarni kasalxonadan haydab chiqarishgan va u bombapanohgohda vafot etgan.
24 fevraldan beri Rossiya Ukrainani denatsifikatsiya va demilitarizatsiya qilish bo‘yicha harbiy maxsus operatsiya o‘tkazmoqda. Rossiya prezidenti Vladimir Putin uning vazifasi “sakkiz yil davomida Kiyev rejimi tomonidan tahqirlangan va genotsidga uchragan odamlarni himoya qilish” deb atagan.
Rossiya prezidentining so‘zlariga ko‘ra, yakuniy maqsad Donbassni ozod qilish va Rossiyaning o‘zi xavfsizligini kafolatlaydigan shart-sharoitlarni yaratishdir.