TOShKENT, 13 sen — Sputnik. Nodirbek Yoqubboyev shaxmat bo‘yicha O‘zbekiston prezidenti sovrini uchun II Xalqaro musobaqasining g‘olibi bo‘ldi. Bu haqda O‘zbekiston shaxmat federatsiyasi matbuot xizmati xabar berdi.
Qayd etilishicha, Nodirbek 10 ta tur natijalariga ko‘ra, 7,5 ochko to‘plagan.
Ma’lumot uchun, Nodirbek Yoqubboyev 2016, 2018 va 2020-yillarda bo‘lib o‘tgan shaxmat bo‘yicha O‘zbekiston chempionatida g‘olib bo‘lgan. 2021-yilgi shaxmat bo‘yicha Jahon kubogining saralash bosqichida ishtirok etgan.
Yoqubboyev Hindistonning Chennay shahrida o‘tkazilgan Butunjahon shaxmat olimpiadasida O‘zbekiston terma jamoasi tarkibida ishtirok etib, 11 ta imkoniyatdan 8 ochko jamg‘argan. Natijada shaxsiy ko‘rsatkichlar bilanolimpiadaning bronza medaliga sazovar bo‘lgan.
Ayni vaqtda shaxmatchi Xalqaro shaxmat federatsiyasi (FIDE)ning sentabr oyi uchun jahon shaxmatchilari reytingida kuchli yuztalik safidan joy olgan.