TOShKENT, 11 sen — Sputnik. Birlashgan Millatlar Tashkiloti Bosh Assambleyasi 8-sentabr kuni avstriyalik Folker Turkni BMT Inson huquqlari bo‘yicha yangi Oliy komissari etib tasdiqladi. Bu haqda RIA Novosti xabar berdi.
Uning nomzodini BMT Bosh kotibi Antoniu Guterrish tavsiya qilgan. Turk bu lavozimda Mishel Bacheletning o‘rnini egalladi.
Bachelet 2018-yil 1-sentabr kuni BMTning Inson huquqlari bo‘yicha Oliy komissari lavozimida ish boshlagan. Uning vakolati avgust oyida tugatildi.
Tayinlovga qadar, Turk Birlashgan Millatlar Tashkilotining Qochqinlar bo‘yicha Oliy Komissarligida turli lavozimlarda faoliyat yuritgan. 2015-2019-yillarda BMTning Qochqinlar bo‘yicha Oliy komissarining o‘rinbosari bo‘lgan. Endi u yangi lavozimida to‘rt yil davomida faoliyat ko‘rsatadi.