ShHT sportchilari ishtirokida fleshmob bo‘lib o‘tdi

TOShKENT, 10 sen - Sputnik. Bugun Toshkentdagi Milliy bog‘ sayilgohida ShHT rahbarlari sammiti doirasida ShHT davlatlaridan kelgan taniqli sportchilar ishtirokida fleshmob bo‘lib o‘tdi. Sputnik muxbiri xabariga asosan.

Unda boks, og‘ir atletika, kurash, shaxmat, qilichbozlik, badiiy gimnastika va boshqa sport turlari bo‘yicha taniqli sportchilar qatnashdi.

Shuningdek, Shanxay hamkorligi tashkiloti davlatlaridan kelgan sportchilar o‘rtasida maxsus ommaviy parad ham bo‘lib o‘tdi. Fleshmobda jami 100 da ortiq sportchilar, 2000 ga yaqin tomoshabinlar va qiziquvchilar ishtirok etdi.

Eslatib o‘tamiz, payshanba kuni Samarqandda Shanxay hamkorlik tashkilotiga a’zo davlatlar davlat rahbarlarining sammiti boshlandi, unda 15 ga yaqin davlat yetakchilari va 10 dan ortiq nufuzli xalqaro tashkilotlar rahbarlari ishtirok etishi kutilmoqda.

O‘zbekiston 2021-yil sentabr oyida ShHTga raislik qilgan edi. O‘tgan davr mobaynida ShHT doirasida 80 dan ortiq tadbirlar o‘tkazildi ular natijasida Samarqand sammiti yakunlari bo‘yicha qabul qilinadigan 30 ta hujjatlar tayyorlandi.