TOShKENT, 8 sen — Sputnik. XIV Toshkent xalqaro kinofestivali doirasida Badiiy akademiyaning markaziy ko‘rgazmalar zalida Butunrossiya davlat kinematografiya instituti (VGIK) talabalarining ijodiy ishlari ko‘rgazmasi bo‘lib o‘tadi, deb xabar qilmoqda Sputnik muxbiri.
Ekspozitsiya jami 100 dan ortiq kartinalarni o‘z ichiga oladi. Kartina yaratish uchun VGIK talabalari O‘zbekistonga tashrif buyurishadi va 10 kun ichida ular o‘z asarlarini taqdim etishadi. Ularda O‘zbekiston shaharlarining go‘zalliklari namoyish etiladi.
Shuningdek, VGIK Toshkent filiali "Ochiq eshiklar kuni"ni o‘tkazadi. 280 nafar talaba uchun tantanali gala konsert tashkil etiladi. Yangi o‘quv yilidan boshlab filialda ishga tushadigan 3 ta yangi – aktorlik, operatorlik va kinorejissorlik yo‘nalishlari taqdimoti bo‘lib o‘tadi.
Kinofestival doirasida o‘tkaziladigan "Kino 5 kunda" yoshlar xalqaro tanlov dasturida 1500 nafardan ortiq yosh kinoijodkorlar, dunyoning 20 nafar yetakchi kino maktabi vakillari ishtirok etadi.
Loyiha qamrovi ham kengaydi – endi O‘zbekistonga Rossiya, Ozarbayjon, Armaniston, Belarus, Gruziya, Hindiston, Qozog‘iston, Qirg‘iziston, Polsha, Tojikiston, Turkiya va boshqa davlatlardan yosh ijodkorlar tashrif buyurishadi.
Ishtirokchilar O‘zbekistonning turli viloyatlaridagi 20 ta hududida qisqa metrajli filmlarni suratga oladi. Tanlov g‘oliblari esa Toshkent xalqaro kinofestivalining tantanali yopilish marosimida taqdirlanadi.