TOShKENT, 7 sen — Sputnik. Yozda tuzilgan Istanbul oziq-ovqat kelishuvi belgilangan maqsadlariga erishmaydi - uning doirasida Ukrainadan eksport qilinadigan deyarli barcha oziq-ovqat Yevropaga jo‘natilmoqda. Bu haqda Rossiya prezidenti Vladimir Putin Sharqiy iqtisodiy forumning yalpi majlisida ta’kidladi.
“Agar Turkiyani vositachi davlat sifatida chiqarib tashlasak, Ukrainadan eksport qilinadigan deyarli barcha don rivojlanayotgan va eng qashshoq mamlakatlarga emas, balki Yevropa Ittifoqi mamlakatlariga yuborildi”, dedi Putin.
Rossiya prezidenti jahon bozorlarida narxlarning oshishi eng qashshoq mamlakatlarning aksariyati uchun haqiqiy fojia bo‘lishi mumkinligini ta’kidladi. Shunday qilib, BMT ma’lumotlariga ko‘ra, agar 2019-yilda dunyoda 135 million kishi o‘tkir oziq-ovqat tanqisligidan aziyat chekkan bo‘lsa, hozir ularning soni 345 millionni tashkil etadi.
“Eng qashshoq davlatlar eng muhim oziq-ovqat mahsulotlaridan foydalanish imkoniyatini butunlay yo‘qotmoqda, chunki rivojlangan mamlakatlarning xaridi narxlarning keskin oshishiga sabab bo‘lmoqda”, - dedi Rossiya prezidenti.
Ukraina donini Qora dengiz portlaridan eksport qilish 22-iyul kuni Rossiya, Ukraina, Turkiya va BMT vakillari tomonidan imzolangan “oziq-ovqat shartnomasi”ga muvofiq amalga oshirilayotgan edi. Don mahsulotlarini birinchi navbatda qashshoq mamlakatlarga jo‘natish kelishib olingan edi.