TOShKENT, 4 sen — Sputnik. Yadro arsenali Rossiyani saqlab qolishning eng yaxshi kafolatdir. Bu haqda Rossiya Federatsiyasi Xavfsizlik kengashi rahbari o‘rinbosari Dmitriy Medvedev o‘zining Telegram-kanalida ma’lum qildi.
“SSSR va Rossiyaning o‘sha davrdagi oliy rahbariyatining xatti-harakatlarini baholashdagi barcha farqlarga qaramay, shuni ta’kidlash kerakki, ular Ittifoqning ulkan yadro arsenalini yangi tashkil etilgan milliy qurolli kuchlar tomonidan parchalanishiga yo‘l qo‘ymaslik uchun yetarlicha aqlli edilar. O‘shanda butun strategik yadro arsenali bizning mamlakatimizda qoldi. Va biz tomonimizdan juda yuqori darajada saqlanyapti. Va bu Buyuk Rossiyani saqlab qolishning eng yaxshi kafolatidir”, - deydi Medvedev.
Siyosatchining ta’kidlashicha, agar yadro quroli SSSR parchalanganidan keyin tuzilgan davlatlar o‘rtasida taqsimlansa, “oqibati Yerdagi dunyo uchun tez va halokatli bo‘lishi mumkin” edi.
Shuningdek, Medvedev Rossiyani yo‘q qilish zarurligi haqidagi fikrlar vaqti-vaqti bilan yangraydigan G‘arbning xatti-harakatlari xavfiga ishora qildi.
“Bu “xayolparastlar” oddiy aksiomani ataylab e’tiborsiz qoldiradilar: yadroviy kuchning zo‘ravonlik bilan parchalanishi har doim o‘lim bilan shaxmat o‘ynash bo‘lib, unda mot qachon bo‘lishi aniq ma’lum. Insoniyatning qiyomat kuni”, - deya xulosa qilgan u.