TOShKENT, 4 sen — Sputnik. Germaniya Rossiyadan gaz yetkazib berishda yuzaga kelayotgan muammolardan hayron qolmoqda, o‘zi esa Moskvaga gibrid urush e’lon qilib, dushman sifatida ish tutmoqda. Bu haqda Rossiya Xavfsizlik kengashi raisi o‘rinbosari Dmitriy Medvedev ma’lum qildi.
U Germaniya kansleri Olaf Sholsning Rossiya go‘yoki “endi ishonchli energiya resurslarini yetkazib beruvchi emas” degan gaplariga o‘z munosabatini bildirgan.
“Buni qarang-a! Yana xafa bo‘libdi... Germaniya: a) do‘st bo‘lmagan mamlakat; b) butun Rossiya iqtisodiyoti va uning fuqarolariga qarshi sanksiya qo‘lladi; v) Ukrainaga qurolli kuchlarimizga qarshi qaratilgan qurol-yarog‘ yetkazib berapti. Boshqacha qilib aytganda, Rossiyaga gibrid urush e’lon qildi. Shunday ekan, Germaniya o‘zini Rossiya dushmani sifatida tutmoqda”, - deya yozgan Medvedev o‘zining telegram kanalida.
U Shols “nemislarning gaz bilan qandaydir kichik muammolari borligiga” hayron qolayotganini ta’kidlagan.
Avvalroq Germaniya kansleri Rossiyani ishonchli energiya resurslarini yetkazib beruvchi emas degan edi, chunki go‘yoki u o‘zining shartnomalarda belgilangan majburiyatlarini bajarmayapti. Rossiya tomoni bir necha bor bu ayblovlarni rad etib, hozirgi vaziyat avvalo YeIning o‘zi va sanksiyalari tufayli yuzaga kelganini qayd etgan.