TOShKENT, 3 sen — Sputnik. Taniqli restavrator, “Tanuki” tarmog‘i asoschisi Aleksandr Orlov 2023-yilda O‘zbekistonda kamida 3-4 ta muassasani ishga tushirishni rejalashtirmoqda. Bu haqda Sputnik muxbiri xabar berdi.
“Menga o‘zbeklar bilan ishlash yoqadi. Shuning uchun men mahalliy mutaxassislarni jalb qilish va ularning malakasini oshirish uchun sarmoya kiritishga, kuchli professionallar jamoasini yaratish orqali loyihalar ishlab chiqish hamda ularni rivojlantirishga tayyorman”, - dedi Orlov Sputnik muxbiri bilan suhbatda.
Komanda "Tanuki" v Uzbekistane
© Foto predostavleni press-slujboy "Tanuki"
2021 yilda Orlov Toshkentda bitta restoran ochgan edi. Restavratorning so‘zlariga ko‘ra, yangi punktlarning ishga tushirilishi kamida 400 ta ish o‘rni yaratish imkonini beradi va xodimlarning 80 foizdan ortig‘i mahalliy aholidan jalb qilinadi.
Komanda "Tanuki" v Uzbekistane
© Foto predostavleni press-slujboy "Tanuki"
“Mamlakat iqtisodiyotiga kiritilayotgan jami sarmoya miqdori qariyb 18,5 milliard so‘mni tashkil etadi. O‘zbekiston bozorida yaxshi imkoniyatlarni ko‘rapman, chunki u iqtisodiyoti faol rivojlanayotgan va o‘sib borayotgan yirik davlatdir. Aytishim kerakki, O‘zbekistonda allaqachon ovqatlanishning tarixiy an’analari mavjud — bu buyuk qadimiy madaniyatning bir qismidir. O‘zlari ovqat pishirishni afzal ko‘radigan mamlakatlardan farqli o‘laroq, bu yerda bozor mehmondo‘stlik sanoatining yangi o‘yinchilariga ko‘proq ochiq. Bu restoran biznesiga MDHning boshqa mamlakatlariga qaraganda yanada katta salohiyatga ega bo‘lish imkonini beradi”, - deydi Orlov.