TOShKENT, 2 sen - Sputnik. Toshkentdagi "Navro‘z" bog‘ida 1-sentabr kuni Mustaqillik bayramining 31-yilligi munosabati bilan “Tandir party” festivali bo‘lib o‘tdi.
Festival davomida 100 ta tandirda mazali tandir go‘shtlari tayyorlandi hamda bog‘ga tashrif buyurgan mehmonlarga ulashildi. Bayramda taniqli san’atkorlar va yulduzlar yig‘ilgan mehmonlarga xush kayfiyat baxsh etdilar.
Kun kechida mehmonlarga qiziqarli shoular, doirachilar va estrada yulduzlari ishtirokidagi konsert dasturi, hamda DJ MAX ishtirokida kechki diskoteka taqdim etildi.
Ushbu festival Toshkent shahar hokimligi, Toshkent shahar Turizm va madaniy meros bosh boshqarmasi, "Navro‘z" bog‘i hamda “ZO‘R TV” telekanali hamkorligida tashkil etildi.