TOShKENT, 1 sen - Sputnik. Rossiya oliy harbiy bilim yurtlarining o‘quv dasturlarid Ukraina, Qorabog‘ va Suriyadagi janglar tajribasi hisobga olindi. Bu haqida yangi o‘quv yili boshlanish arafasida mudofaa vaziri Sergey Shoygu uchun armiya generallari tomonidan tayyorlangan hisobotda aytib o‘tilgan.
“Talabalar va kursantlar uchun o‘quv dasturlari maxsus harbiy amaliyot, Tog‘li Qorabog‘da tinchlikparvarlik missiyalari va Suriya Arab Respublikasida qurolli kuchlardan foydalanish tajribasini hisobga olgan holda yangilandi”, - dedi general-mayor Valeriy Gerasimov.
Gerasimov aytishiga ko‘ra, yangi o‘quv yilida jangovar vaziyatda harbiy qismlar va qo‘shinlarning turlararo guruhlarini boshqarish bo‘yicha amaliy ko‘nikmalarni shakllantirishga alohida e’tibor qaratiladi.
Shuningdek, robot majmualar va uchuvchisiz apparatlardan foydalanish tajribasi ham oshiriladi.
“Robot komplekslari va tizimlari, uchuvchisiz uchish apparatlarining ekspluatatsiyasi va jangovar foydalanish masalalarini o‘rganishga alohida e’tibor qaratish rejalashtirilmoqda”, — deya qo‘shimcha qildi Valeriy Gerasimov.
Quruqlik qo‘shinlari uchun esa amaliy o‘q otish mashg‘ulotlari sonini oshirish rejalashtirilgan dedi quruqlik qo‘shinlar boshlig‘i general Oleg Salyukov.
Undan tashqari, bo‘linmalar komandirlari uchun artilleriya qo‘shinlari o‘tini boshqarish, zirhli qurol va texnikalardan foydalanish bo‘yicha amaliy mashg‘ulotlar hamda jangovar transport vositalari ekipajlari tomonidan nosozliklarni bartaraf etish bo‘yicha qo‘shimcha mashg‘ulotlar soni ko‘paytiriladi, - dedi Salyukov.
Ma’lumot uchun, Suriya va Ukrainadagi harbiy harakatlar vaqtida Rossiya Federatsiyasi bir necha yangi qurol turlaridan foydalanib, ularni teal jang vaziyatida sinovdan o‘tkazdi. Xususan, Su-57 iiruvchi samolyotlari, "Kinjal" gipertovush tezligida uchadigan raketalar, "Orion" va boshia dronlar hamda dronlarga qarshi "miltiq"lar va boshqa harbiy texnika.