TOShKENT, 30 avg — Sputnik. Ukraina natsistlari Xerson viloyatini qanchalik ko‘p o‘qqa tutsa, uning aholisi referendum o‘tkazishni shunchalik ko‘p talab qilmoqda. Bu haqda RIA Novostiga viloyat ma’muriyati rahbari o‘rinbosari Kirill Stremousov ma’lum qildi.
“Odamlar (Vladimir) Zelenskiydan va bu rejimdan nafratlanadi. Natsistlar Xerson viloyatini qanchalik ko‘p o‘qqa tutsa, xalq referendum o‘tkazishni shunchalik ko‘p talab qiladi va viloyatning Rossiya Federatsiyasi subyekti bo‘lishi tarafdorlari shunchalik ko‘payadi”, dedi Stremousov.
Uning so‘zlariga ko‘ra, Ukraina tomonining Xerson viloyati ustidan nazoratni qaytarish haqidagi barcha bayonotlari ularning “ma’nosiz his-tuyg‘ulari va mulohazalari”dir.
Maxsus operatsiya davomida Rossiya harbiylari Xerson va Zaporojye viloyatining Azov dengiziga tutash qismini nazoratga oldi, Xerson, Melitopol va Berdansk kabi yirik shaharlarni ozod qildi. Har ikki viloyatda yangi ma’muriyatlar shakllantirildi, Rossiya telekanallari va radiostansiyalari efirga uzatilmoqda, Qrim bilan savdo va transport aloqalari tiklanmoqda. Viloyatlar Rossiya tarkibiga kirish rejalarini e’lon qildi. Bundan tashqari, sakkiz yil o‘tgach, Shimoliy Qrim kanali blokdan chiqarildi.