TOShKENT, 30 avg — Sputnik. AQSh Mudofaa vazirligi Ukrainaning harbiy salohiyati janubda “sezilarli muvaffaqiyat”ga erishish uchun yetarli emasligini tan oldi. Bu haqda “The New York Times” manbalarga tayanib yozgan.
Rossiya Mudofaa vazirligi dushanba kuni Rossiya Qurolli kuchlari Vladimir Zelenskiyning bevosita buyrug‘i bilan qilingan Ukraina qo‘shinlarining Nikolayev va Xerson viloyatlaridagi hujumini qaytarganini ma’lum qildi. Agentlik ma’lumotlariga ko‘ra, hujumga urinish chog‘ida Ukraina qo‘shinlari 560 dan ortiq odam, 26 tank va ikkita hujumchi samolyotini yo‘qotgan.
“Pentagon Ukrainaning hozirgi harbiy salohiyati sezilarli muvaffaqiyatlarga erishish uchun yetarli yoki yetarli emasligidan xavotirda”, deb yozadi gazeta AQSh Mudofaa vazirligi rasmiysiga tayanib.
Maxsus operatsiya davomida Rossiya harbiylari Xerson va Zaporojye viloyatining Azov dengiziga tutash qismini nazoratga oldi, Xerson, Melitopol va Berdansk kabi yirik shaharlarni ozod qildi. Har ikki viloyatda yangi ma’muriyatlar shakllantirildi, Rossiya telekanallari va radiostansiyalari efirga uzatilmoqda, Qrim bilan savdo va transport aloqalari tiklanmoqda. Viloyatlar Rossiya tarkibiga kirish rejalarini e’lon qildi. Bundan tashqari, sakkiz yil o‘tgach, Shimoliy Qrim kanali blokdan chiqarildi.