TOShKENT, 29 avg — Sputnik. Prezident Shavkat Mirziyoyev Urganch shahrida buyuk sarkarda Jaloliddin Manguberdi haykalini ochib berdi. Bu haqda davlat rahbari matbuot kotibi xabar qildi.
Jaloliddin Manguberdi majmuasi shaharning Al-Xorazmiy va Islom Karimov ko‘chalari kesishmasidagi qariyb 8 gektar maydonda barpo etilgan. Maydon markazida bronzadan Jaloliddin Manguberdining ot ustida qilich tutib turgan haykali yasalgan.
Uning balandligi qariyb 25 metr. Yodgorlikni yaratishda rossiyalik ustalar ham o‘z hissalarini qo‘shishgan.
O‘tgan yil yanvarida Urganch shahrining markaziy maydoni yangidan qurilishi, maydon markazida esa Jaloliddin Manguberdining 25 metrlik kattalikdagi haykali o‘rnatilishi ma’lum bo‘lgan edi.