TOShKENT, 29 avg — Sputnik. AQSh prezidenti Jo Bayden Afg‘onistondagi jangovar amaliyotlarda qatnashgan amerikalik harbiylarga shafqatsizlarcha xiyonat qildi. Bu haqda kongressmen Brayan Mast ma’lum qildi.
“O‘n ikki yil oldin men “Tolibon”*ning 2001-yilda qulashidan oldin so‘nggi tayanchi bo‘lgan Qandahorda oyog‘imni yo‘qotdim. Bir yil oldin toliblarning xuddi shu joydan Amerika harbiy texnikasi bilan yurishini kuzatishga majbur bo‘ldim. Prezident Baydenning halokatli chekinishi barcha harbiylar uchun xiyonat edi”, deb yozdi siyosatchi Twitter’da.
2021 yil avgust oyi boshida toliblar afg‘on hukumat kuchlariga qarshi hujumni kuchaytirdi, 15-avgust kuni ular Kobulga kirdi va ertasi kuni urush tugaganini e’lon qildi. Avgust oyining so‘nggi ikki haftasida AQSh harbiylari himoyasida bo‘lgan Kobul aeroportidan G‘arb davlatlari fuqarolari va ular bilan hamkorlik qilgan afg‘onlar ommaviy evakuatsiya qilingan edi. 31-avgustga o‘tar kechasi Amerika qo‘shinlari Kobul aeroportini tark etib, AQShning respublikadagi qariyb 20-yillik mavjudligiga chek qo‘ydi. Evakuatsiya paytida AQSh Qurolli kuchlarining 13 nafar askari halok bo‘ldi va 20 nafari yaralandi.
*Tashkilot terrorchilik faoliyati uchun BMT sanksiyalari ostida.