TOShKENT, 26 avg — Sputnik. 2022/2023 o‘quv yili uchun O‘zbekiston oliy ta’lim muassasalari tasarrufidagi akademik litseylarga kirish imtihonlarining yakuniy natijalari (mandat) e’lon qilindi. Bu haqda Oliy va o‘rta-maxsus ta’lim vazirligi matbuot xizmati xabar berdi.
Yakuniy natijalarni vazirlikning litsey.edu.uz rasmiy veb-sayti orqali bilish mumkin. Abituriyentlar sayt orqali o‘z viloyat va litseylarini topib natijalar varaqalarini ko‘rish mumkin. Varaqalarda abituriyentlarni to‘liq ismi sharifi, ID raqami va to‘plagan ballari keltirilgan.
Davlat Test Markazi tomonidan taqdim etilgan natijalar varaqasi ikki qismga bo‘lingan: talabalikka tavsiya etilganlar hamda qabul chegarasidan pastdagi abituriyentlar ro‘yxati.
Abituriyent to‘plagan balli asosida ustuvorlik bo‘yicha tanlagan akademik litseyga qabul qilinadi.