TOShKENT, 24 avg — Sputnik. Vaqt Ukrainaga qarshi. Bu haqda Amerika Qo‘shma Shtatlari Milliy xavfsizlik kengashining strategik aloqalar bo‘yicha muvofiqlashtiruvchisi Jon Kirbi ma’lum qildi. CNN telekanaliga bergan intervyusida.
“Biz bilamizki, vaqt Ukraina tomonida emas. Biz shoshilinch vaziyatni tushunamiz va bunga rioya qilishga harakat qilamiz”, - dedi Kirbi CNN telekanaliga bergan intervyusida. Uning so‘zlaridan iqtibos keltirgan RIA Novosti.
Jon Kirbining so‘zlariga ko‘ra, Qo‘shma Shtatlar va ittifoqchilari Ukrainaga yordam berishning yangi usullarini izlashdan voz kechmaydi.
Ma’lumot uchun, Rossiya prezidenti Vladimir Putin G‘arb Rossiya bilan so‘nggi ukrainalikkacha jang qilmoqchiligi va bu butun Ukraina xalqi uchun fojialigini aytgan edi.
Rossiya Xavfsizlik Kengashi raisi o‘rinbosari Dmitriy Medvedevning ta’kidlashicha, Qo‘shma Shtatlar Rossiyaning maxsus operatsiyasiga javoban “ishonchnoma orqali urush” e’lon qilgan va Ukrainani qurol-yarog‘ bilan ta’minlab kelmoqda. Vashington vaziyatdan o‘z manfaatlari yo‘lida foydalanmoqda.
Rossiya prezidenti matbuot kotibi Dmitriy Peskov AQShning Ukrainaga qurol-yarog‘ yetkazib berishi Kiyevning tinchlik muzokaralarini qayta boshlash istagi paydo bo‘lishiga yordam bermasligini ta’kidlagandi.